Gaur hasiko da Muxikatua
Piztu Lezoren bertso sariketa musikatuaren lehen kanporaketa egingo dute gaur gauean Tiñelu elkartean.
Gaurko partaideen artean Oihana Arana eskoriatzarra izango da. Hemen da bertsolaritza lezoarrengana hurbiltzeko Piztu Lezoren egitasmoa, Muxikatua I. Bertso Sariketa. Bi kanporaketetatik lehena jasoko du 22:00etan Tiñelu elkarteak. Beste finalerdia hilaren 17an izango da Ibai Ondon, eta finala 24an Txerrimuñon.
Gaurkoan, Oihana Arana, Ekhiñe Zapiain, Asier Alcedo eta Unai anda ariko dira musika izango duten bertso onenen bila. Bertaratuek, herritarrek, erabakiko dute zein izango diren bi onenak: bi horiek, hilaren 17ko beste kanporaketako bi sailkatuekin, osatuko dute Txerrimuñoko finala.
Bigarren saioan Haizea Arana, Maddi Aiestaran, Joanes Illarregi eta Irati Alcantarilla arituko dira. Haiena izango dira bertsoak, erabakia lezoarrena.
