EPLEkoak garaile, Montxo Jimenez Txapelketan
Ostiralean jokatu zuten finala. EPLEko Mikel Aiestaran eta Ruben Pitchel gehiago izan ziren, eta eurentzat izan zen garaikurra.
Mikel aiestaran eta Pichel garaikurra eskutan txapelketaren finala irabazita. Argazkia: EPLE Montxo Jimenez txapelketaren finalarekin jarri zioten ginga ostiralean, Ijito Kultur Asteari Kamelamos Adiquerar elkarteak antolatuta. Garaipena, EPLEko Mikel Aiestaran eta Ruben Pitchelek poltsikoratu zuten; J.C Jimenez eta M.A. Camacho baino gehiago izan ziren Errenteriako Pilotaren Lagunak Elkarteko ordezkariak eta garaikurra beraz, beraiek lortu zuten. Margagailua, 9-22 utzi zuten.
Partida amaituta, sari banaketa egin zuten Agustina Otaola udal pilotalekuan. Lau finalistek jaso zuten oroigarria, eta astelehenean lehen jardunaldia jokatu zuten EPLE eta Mindarako ordezkarientzat ere izan ziren sariak.
Trinkete txapelketa
Iparraldeko Trinkete txapelketako eskuz binakakoan garaipena Prieto eta Chiapusorentzat Hazparnen (40-22). Taberna eta Aranburuk berriz, galdu egin zuten (28-40) Baigorrin. Lehen mailara igotzeko lehian jarraitzen dute EPLEko bi bikoteek.
Euskadiko eskuz binakako Elite Mailan berri onak. Tabernak eta Aspuruk 40-29 irabazi zituzten Ziarrusta II eta Uribe Abadiñon jokatutako partidan.
