[Errenteriarren sailkapenarekin] Xakib Laxgar eta Alicia Vetas, errenteriar azkarrenak Behobia-Donostian
Orotara 277 izan dira atzoko Behobia-Donostia bukatu zuten errenteriarrak. Horien artetik azkarrenak, Laxgar Behobia-Donostia lasterketaren irabazlea, eta Vetas.
Xakib Laxgar Errenteriatik barrena, Kaputxinoetako biribilgunerako maldan. Argazkia: Orereta Palestinarekin Atzoko Behobia-Donostian, helmugara iritsi zirenen artetik 277 izan ziren errenteriarrak. Guztietan azkarrena eta orain arte lasterketa osatzeko ezarrita zegoen denbora irauli eta errekor berria markatu duen Xakib Laxgar. Ez da lehen aldia Behobia -Donostia lasterketa irabazi duena; 2019koan ere azkarrena izan zen. Emakumeetan, Alicia Vetas Santos izan da helmuga zeharkatu duen lehen errenteriarra.
Atzo Errenteria-Oreretako ibilbidean zehar, bide bazterrean zeudenek Palestinari keinu egin zioten. Izan ere, Palestinaren aldeko elkarretaratzea egin zuten hainbat lagunek Orereta Palestinarekin Herri dinamikak deituta, Alaberga auzoa eta Kapuntxinoetako biribilgunea lotzen dituen maldan.
Jarraian, Errenteria-Oreretako partaideen podiumak, eta jarraian dagoen estekan sailkapen osoa ikusteko aukera. Datu horiek Behobia-Donostiaren antolatzaileek emandakoak dira:
Emakumeak
- 1. Alicia Vetas Santos 1:26:21
- 2. Edurne Irureta Padrones 1:32:27
- 3. Izaskun Iñarra Ibeas 1:34:50
Gizonak
- 1. Xakib Laxgar Laxgar 0:59:56
- 2. Xabier Lukin Dominguez 1:05:40
- 3. Jon Elkano Erriondo 1:10:47
Sakatu esteka honetan errenteriarren sailkapen oso-osoa ikusteko.
