Ur mozketa orokorra Lezoko herrigunean asteazken gauean
Uraren etena 22:00etatik 02:00etara izango da. Herriguneari eragingo dio, ez, ordea, industrialdeei zein landa eremuari.
Ohar garrantzitsua: Lezoko Udalak jakinarazi du herrigunean uraren mozketa egingo dutela asteazken gauean (hilaren 15ean), 22:00etatik 02:00etara zehazki Mozketak herriaren erdigunean izango du eragina, ez industrialde zein landa eremuan.
Añarbeko Urak erakundeak ur hornidurarako hodiak berritzen ari da. Hori da ur etenaren arrazoia. Beraz asteazkenetik ostegunerako gauean adi izateko eskatu die udalak herri kaskoko herritarrei, eta sor daitezkeen eragozpenak barkatzeko.
