Greba orokor feminista prestatzeko bilera, larunbatean
Hirugarren batzordea osatuko dute larunbat goizean, ikastolako jangelan. Hori bukatuta, agerraldia egingodute Done Eztebe plazan.
Bi aste eta bi egun falta Euskal Herriko mugimendu feministak deitutako greba orokor feministarako. Oiartzunen batzarra egingo dute datorren larunbatean, hilak 18.
Greba batzordea —mistoa izango da— Haurtzaro Ikastolako jangelan elkartuko da, 11:00etatik 13:00etara bitartean.
Batzar hori bukatutakoan, agerraldia egingo dute Done Eztebe plazan. 13:30ean geratuko dira, grebari buruzko azalpenak prentsaren aurrean emateko.
Herritarrak gonbidatu dituzte zita batera zein bestera joateko.