Itsas hondakinen bilketak egingo dira Pasaian eta Hondarribian
Hondakinen Prebentziorako Europako Astearen baitan, hilaren 26an, 11:00etan, itsas hondakinen bilketak egingo dira aldi berean Gipuzkoako sei udalerritan, tartean, Pasaian eta Hondarribian.
Itsas Zaintza Sarea itsasoaren zaintzan inplikatutako Gipuzkoako hogei itsas eragilek osatzen duten sarea da. Gipuzkoako Foru Aldundiaren laguntzarekin, Mater Ontzi Museo Ekoaktiboak sortutako sareak itsasoaren kontserbazioa sustatzeko helburua du, inplikatuen ezagutza ahalegina eta konpromisoa nabarmenduz.
Hondakinen Prebentziorako Europako Astearen baitan, hilaren 26an, 11:00etan, itsas hondakinen bilketak egingo dira aldi berean Gipuzkoako sei udalerritan, tartean, Pasaian eta Hondarribian. Egitasmora batu diren gainontzeko udalerriak Donostia, Zarautz, Mutriku eta Zumaia dira.
Itsas hondakinen bilketaren helburua da “ingurune naturala garbi mantentzea eta hondakinek ingurumenean duten eraginari buruzko kontzientzia sortzea”.
Bestalde, Hondakinen Prebentziorako Europako Astearen barruan, topaketak egingo dira Gipuzkoako arro bakoitzean, Mater ontzian. Antolatzaileek adierazi dute xedea dela “Itsas Zaintza Sarea aurkeztu eta bertara batzea sustatzea”. Horrez gain, azaldu dute itsasoaren kontserbazioaren alde “indarrak batu” nahi dituzten erakunde horientzako aukera “paregabea” dela topaketa hori.
Bi jardueretan parte hartzeko deialdia zabalik dago: 619 81 42 25 telefonoan eta helbide elektronikoan.
