Jostailuak eraikitzeko tailerra Fanderiako errotaren eskutik
Fanderiako Errotako Ibaiaren Etxeak Hondakinak Prebenitzeko Europako Astearen barruan tailerra antolatu du hilaren 19an, igandea.
Fanderiako errota osorik berritu bitartean, beheko solairuan interpretazio zentro bat ireki berri dute: Fanderiako Errota, Ibaiaren Etxea. Fanderiako Errotako Ibaiaren Etxeak Hondakinak Prebenitzeko Europako Astearen barruan tailerra antolatu du hilaren 19an, igandea. Hondakinei beste erabilera bat eman eta jostailuak eraikitzeko tailerra egingo dute zehazki.
Sei urtetik gorako haurra dituzten familiei begirakoa da ekintza eta 11:00etatik 13:00ak arte egingo dute, haurrek heldu batek lagunduta joan beharko dute eta izena eman behar da aurretik 943 49 45 21 edota 690 72 02 64 telefono zenbakietara deituta. Posta elektronikora idatzita ere egin daiteke izen ematea. Horretarako egin klik hemen.
