Errenteria-Orereta Arigune dela erakutsiko dute
Abenduaren 3a, Euskararen Egunaren harira, egitarau zabal eta bateratua osatu dute Errenteriako Udalak eta hainbat eragilek aurreko urteetako bideari jarraituz.
Eragileak eta udal ordezkaria Euskararen Egunaren harira ondutako egitaraua aurkezteko agerraldian. Abenduaren 3a, Euskararen Egunaren harira, egitarau zabal eta bateratua osatu dute Errenteriako Udalak eta hainbat eragilek aurreko urteetako bideari jarraituz. Lau Haizetara Euskaltzaleon Topagunea, Xenpelar Bertso Eskola, Xenpelar AEK Euskaltegia, Udal Euskaltegia, Herri Arte Eskola, Udal artxiboa, Udal Biblioteka, Kantu jira, Badalab, Ikuska Sariak, OzZinema, Talaios koop, Zituene pasta obradorea, Idoia Lizeaga artista, Niessen elkartea, eta Oarsoaldeko Euskara Batzordea, eskuz esku aritu dira egitaraua ontzen eta gaur eman dute prestatutakoen berri.
Antolatutako ekintzekin, Errenteria-Orereta Arigune dela erakutsi nahi dutela esan dute Koldo Mitxelena euskararen arkitektoaren itzalera jo dute aurkezpena egiteko gaur. Izan ere, eragile guztiak Mitxelenaren omenez Agirre Lehendakariaren plazan dagoen eskulturapean bildu dira.
Leire Mazizior Hizkuntza Politiketako zinegotziak aitortu du egitarauaren atzean izan den elkarlana, “eragile guztion artean adostu eta osatu dugu hilabete honetan zein abenduan zehar egingo ditugun ekintzen egitaraua”. Ekintza denak doakoak izango dira, baina batzuetan aforo kontuak direla medio, izena eman beharko da parte hartzeko.
Hamaika ekintzekin osatutako hilabeteko egitaraua
Askotariko egitaraua, “adin guztietako herritarrei begirakoa”, gainera Maziziorrek esan duenez. Bereziki hitzaldi bati erreparatu dio zinegotziak: Zer etxeko lan egin behar ditu hezkuntzak gazteak euskalduntzeko? Iratxe Retolaza Gutierrez Literatur kritikaria eta ikertzailea, eta Euskaltzain urgazlea izango da hizlari. “Irakasleei zuzenduta dago, baita gurasoei ere, egunerokoan baliabide gabe gelditu ohi garelako eta aurkitzen ditugun oztopo horien aurrean zer eta nola egin jakiteko gakoak emango dizkigu, eta oso erabilgarria izango dela zentzu horretan uste dut”.
Hitzaldira bertaratzeko deia, hilaren 29an izango da Joxepa Antoni Aranberri anitzenean 18:30ean, baita antolatutako beste guztietara ere. Tartean, beste hitzordu bat ere aipatu du Maziziorrek: Gaitu ekitaldia. Herritarren ahotsak grabatzen dabil iniziatiba hori, eta abenduaren 2an Zumardian izango da. Adimen artifizialak euskaraz egin dezan erronka da Gaitu: “Makinek gure hizkuntza ulertu eta hitz egin dezaten, lehenago irakatsi egin behar diegu. Horretarako herritarren ahotsak grabatzen ari dira iniziatibaren barruan, zenbat eta gehiago, orduan eta hobe”. 12:00etan jarri dute zita eta Maziziorrek herritar guztiak deitu ditu parte hartzera ere, “milaka ahots behar ditugu erregistroa sortzeko. Euskal herri osoan ari dira, eta guk ere egin nahi dugu bat”.
Musika, bakarrizketak, babarrun jatea, afaria, ipuin kontaketa, Oarsoarrak sariak, kantaldia, grafiti tailerra, bertsolaritza, pasta fresko tailerra, magia ikuskizuna, dokumentala… hamaika ekitaldi izango dituzte herritarrek eskura bihartik hasi eta abenduaren 17ra arte.
Euskararen Egunaren harira ondutako egitaraua
Azaroak 17, 24, abenduak 1
- 19:00etan Xenpelar etxean. XXVII Xenpelar saria. Kanporaketak. Antolatzailea: Xenpelar Bertso Eskola
Azaroak 17, 18, eta 19
- Ostiral arratsaldeko 17:00etatik hasita. Ihes gela. Antolatzailea: Eusko Jaurlaritza, Nafarroako Gobernua eta Euskararen Erakunde Publikoa. 17. Logela izeneko ihes gela ibiltaria egongo da ikusgai. hura ezagutu eta esperientziarekin gozatzeko aukera izango dute bertaratzen direnek. Zumardian hartuko du ostatu ihes-gelak, Izen-ematea beharrezkoa.
Azaroak 20
- 09:30 Niessen kultur aretoa. Ikuska Sariak. Antolatzailea: Pasaiako Udala eta Oarsoaldeako euskara batzordea. Euskaraz egindako film labur onenaren saria erabakiko dute euskaltegietako ikasleen artean. Ekitaldi hau euskaltegietako ikasleei zuzendua dago.
Azaroak 22
- 18:00 Orereta ikastola, Esmalteria. Euskahalduntzen tailerra. Antolatzailea: Orereta ikastola eta Lau Haizetara Euskaldunon Elkartea. Euskal hiztunei zuzendutakoa saioa da, eta euskaraz gehiago eta erosoago egiten laguntzea izango du helburu.
- 18:30 Joxepa Antoni Aranberri Anitzenean. Bilduma aldizkariaren aurkezpena. Antolatzailea: Errenteriako Udala. Errenteriak Industrializazio garaiko etxebizitza eta auzoen azterketa eguneroko bizitza eta harreman komunitarioen ikuspegitik
Azaroak 23
- 9:30 Joxepa Antoni Aranberri Anitzenean Euskaltegietako ikasleen irakurketa saioa
Antolatzailea: Errenteriako udala eta euskaltegiak. AEK eta Udal Euskaltegiko ikasleak bilduko dira euskara praktikatzeko. .Printze txikia liburua irakurriko da. - 18:00 Reina aretoa. Adimen artifiziala: erabiltzen hasteko lehen urratsak. Antolatzailea: Talaios. Sare sozialetan euskaraz aritzeko tresnen aurkezpena.
Azaroak 24
- 17:00 Tailerrak: Zituene obradorean pasta freskoa ekoiztea. Pasta freskoa ekoizteko sekretuak Zitueneko arduradunen eskutik. Izen ematea: Udal Hizkuntza Politika sailean. Merkatuzar
- Erdiko kalea 15 Idoia Lizeagaren eskutik Land art. Testurak ezagutzea. Testuren ezagutzan sakontzeko tailerra. Izen ematea: Udal Hizkuntza Politika sailean. Merkatuzar
- 21:00 Kantu afaria. Antolatzailea: Niessen elkartea
Azaroak 26
- 17:00 Koldo Mitxelena ikastetxearen patioa. Eleder magoaren ikuskizuna. Antolatzailea: Errenteriako Udala
Azaroak 28
- 9:30 Niessen. Baga biga. Euskal kantagintzaren historia musikatua. Euskaltegietako ikasleei zuzendua.
Antolatzailea: Oarsoaldeko Euskara Batzordea. - 19:30 Niessen zinemak Arnasa betean, (Dokumentala) Emakume zinegileak. Antolatzailea: Ozzinema
Azaroak 29
- 17:00 Niessen. Baga biga. Euskal kantagintzaren historia musikatua. Euskaltegietako ikasleei zuzendua.
Antolatzailea: Oarsoaldeako Euskara Batzordea. - 18:30 Joxepa Antoni Aranberri anitzenea. Hitzaldia: Zer etxeko lan egin behar ditu hezkuntzak gazteak euskalduntzeko? Hizlaria: Iratxe Retolaza. Antolatzailea: Errenteriako udala
Abenduak 1
- 18:00 Joxepa Antoni Aranberri anitzenea. Tote bag poltsak margotzeko tailerra. Antolatzailea: Lau haizetara
- 18:00 Joxepa Antoni Aranberri anitzenea. Grafiti tailerrak. Antolatzailea: Kuadrilategi
- 18:30 Zumardia. Kantaldia trikitixa eta dultzaina ikasleen eskutik. Antolatzailea: Herri Arte Eskola
- 19:00 Landetxe-Oiartzun. Oarsoarrak sariak. Euskararen praktika onak saritzen dituen jardunaldia.
Antolatzailea: Oarsoaldeako Euskara Batzordea
Abenduak 2
- 11:30 Lekuona fabrika. Plaza txikia. Ipuin kontaketa familian. 2-5 urte bitarteko haurrak, heldu batek lagunduta. Antolatzailea. Udal liburutegia.
- 12:00 Zumardia Gaitu ekitaldia. Makinak hizkuntza ulertu eta hitz egin dezaten, lehenago irakatsi egin behar diegu. Antolatzailea: Errenteriako Udala
- 19:00 Niessen aretoa. Bagoiaz. Umorezko bakarrizketak, esketxak eta antzerki piezak. Barrexerka konpainiaren eskutik. Antolatzailea: Errenteriako udala.
Abenduak 3. Euskararen Eguna
- Euskararen egunean bertan zenbait ekimen antolatu dira. 12:00 Kantu jira, herriko txistularien bandaren eskutik. Ibilbidea: herrian zehar.
- 14:00 Jose Luis Caso aretoa. Herri bazkaria Sarrerak salgai: Sindikato eta Arkaitza tabernetan. Antolatzailea: Lau Haizetara Euskaldunon Topagunea
- 17:00 Cristobal Gamon ikastetxearen patioan. Pontx pailazoa. Publiko guztiei irekia. Antolatzailea, auzo elkartea, Errenteriako udala.
Abenduak 8
- 17:00 Niessen aretoa. XXVII Xenpelar sariak. Finala. Antolatzailea: Xenpelar bertso eskola. Sarrerak
Abenduak 17
- 12:30 Niessen aretoa. Euskal mitologiako kondaira musikatua. Antolatzailea: Herri arte eskola.
