Esti Valencia eta Olatz Diazek 'Puzker itzela' liburua aurkeztuko dute gaur
Puzker itzela album ilustratua aniztasunaren gainean josi dute: "Egungo gizarteak aniztasunarekiko duen jarrera ezkorra modu dibertigarrian landu dut liburuan".
Puzker itzela album ilustratua aurkeztuko dute gaur. Olatz Diaz eta Esti Valenciak Puzker itzela izeneko album ilustratua aurkeztuko dute gaur. Antxotarra da Valencia idazlea, baina Errenteria-Oreretan bizi da egun, irakaslea da, eta honakoa da argitaratu duen lehen lana. Diaz errenteriarra da, ilustratzailea eta arte zuzendaria. Aurretik lan gehiago argitaratu baditu ere, honakoa du haurrentzako egin duen lehen lana.
Puzker itzela album ilustratua aniztasunaren gainean josi dute: “Egungo gizarteak aniztasunarekiko duen jarrera ezkorra modu dibertigarrian landu dut liburuan. Elkarlana, adiskidetasuna, eta batez ere heziketak eskutik helduta sor dezaketen iraultza goraipatzen dut, halaber”.
Aurkezpena gaur izango da Xenpelar Kultur Dendan, 18:30ean. Ipuinaren kontaketa egingo dute gero, eta haurrentzako ekintza batekin bukatuko dute.
