Esmalteriako Ostiralarekin hitzordua aste honetan
Hilean behin antolatzen dituzte ekintzak. Ostiral honetakoa haur masaje tailerra 0-2 urte arteko haurrei eta familiei zuzenduta.
Esmalteriako Ostiralak, 0-6 urte arteko haur eta horien familientzako euskarazko aisia eskaintza osatzeko asmoz jarri zuen martxan Orereta Ikastolak. Horren barruan hainbat tailer antolatzen dituzte hileko azken ostiralekin bat eginda. Hurrengo hitzordua, ostiralean egin du Orereta Ikastolak, Esmalteriako eraikinean. Haur masaje tailerra egingo dute.
Tailerrak osatzeko hainbat eragileren laguntza jasotzen du ikastolak, eta herritar orori irekiak dira. Hori bai, aurretik izena eman beharra dago horietan parte hartzeko.
Ostiraleko saioa, 17:00etan izango da. Ana Conde diziplina anitzeko terapeutak gidatuko du. Parte hartuko duten familiei eskatu diete haur bakoitzarentzat etxetik eskuoihal eta manta txiki bat eramatea. Masajetarako olioa terapeutak eramango du.
Interesdunek inprimakia bete behar dute. Horretarako egin klik hemen. Plazak mugatuak izango dira: 12 haur eta haien laguntzaileentzako lekua izango da. Informazio gehiago hemen klik eginda jaso daiteke.
Datorren urteko otsailera arte antolatu dituzten tailerrak ere zehaztu du Orereta Ikastolak.
Esmalteriako Ostiralak
- Azaroak 24: 17:00etan, Esmalterian, Haur masaje tailerra (0-2 urte)
- Abenduak 15: 17:30ean, Añabitarteko sukaldean, sukaldaritza tailerra (3-6 urte)
- Urtarrilak 26: 17:00etan, Esmalterian, musikoterapia saioa (0-2 urte)
- Otsailak 23: 17:00etan, Esmalterian, haur kanten Landarbaso tailerra (2-6 urte)
