Mindararen Azoka Solidarioa, abenduaren 2an
Honakoa seigarren ekitaldia izango du azoka solidario horrek. Bigarren eskuko jostailu eta liburuen azoka, pintxo potea, zozketa, tailerrak, eta musika emanaldiarekin ondu dute egun osoko egitaraua.
Mindararen Azoka Solidarioak seigarrenez hartuko du plaza. Koldo Mitxelena ikastetxearen jolastoki estalian egingo dute eta aurten ere, aurrekoetan bezala, egun osoko egitaraua antolatu du Mindarak, aniztasun funtzionala duten pertsonei arreta emateko Gipuzkoako elkarteak. Abenduaren 2an, larunbatarakin egingo du Mindarak azoka.
Bigarren eskuko jostailuak, liburuak eta ipuinak prezio sinbolikoan izango dira algai azokaren barruan, baina pintxo poteaz gozatzeko aukera ere izango da. Horrekin batera hainbat tailer, zozketa eta musika emanaldia ere antolatu ditu Errenteria-Oreretako elkarteak.
Zozketa solidarioari egin dio aipamen berezia Mindarak: “Besteak beste, El Portal de Alquezar (Huesca, Aragoi) lau lagunentzako asteburua, La Perlako talasoterapia zirkuiturako sarrerak, fisioterapia saio bonuak, eta haragi sortak zozkatuko ditugu, besteak beste”. Txartelak euro batean salduko dituzte, azokaren egunean bertan, edo aurretik, De Cyne Reyna tabernan. Zozketa abenduaren 2an egingo dute 18:00etan.
Saria egunean bertan jasotzerik ez dutenek, abenduaren 15 eta 22an Mindara elkartearen egoitzara jo dezakete 10:00etatik 16:00etara sari bila (Markola etorbidea 24, 2 pisua).
Kolaboratzaileei eskerrak eman dizkie Mindarak: “Enpresak, denda txikiak, erakundeak, zerbitzuak, elikadura… ezinbestekoa dugu beraien laguntza. Jasotako diru guztia Mindara elkartera baitoa”.
11:00: Jostailu, liburu, ipuin, jolas eta abarren salmenta.
11:00: Pintxo solidarioa
11:30: Zumba – Oliber Nestar-ekin 2€
11.30: Aurpegia margotzeko tailerra
16.30: Jostailu, liburu, ipuin, jolas eta abarren salmenta.
17.15: Txokolate jatea
17.15-17.45: Disney animazioa elipsis-ekin
18.00: zozketa solidarioa
18.30: Kontzertua: Desde el atico