Bilduma aldizkariaren ale berria aurkeztuko dute gaur
Udal osoko bilkuran egingo dute udal aldizkariaren aurkezpena, 18:30ean hasita.
Bilduma aldizkariaren azken alearen azala. Bilduma udal aldizkariaren aurkezpena egingo du gaur arratsaldean Errenteriako Udalak. Badalaben egoitzan egitekoa ziren aurkezpena, udaletxeko areto nagusira lekualdatu dute, eta 18:30ean hasiko da.
Koldo Mitxelena beka irabazi duen Itsaso Larramendik Errenteriako industrializazioaren garaiko etxebizitza auzoen azterketa eguneroko bizitza eta komunitate harremanen ikuspegia azterlana aurkeztuko du 45 minutuko hitzaldi batean. Horren bidez, Alaberga, Galtzaraborda, eta Kaputxinoak auzoak hobeto ezagutzeko aukera izango da udalak jakinarazi duenez.
Hitzaldian aldibereko itzulpena izango da eta liburua doan banatuko dute.
