Alex Gonzalez, Espainiako Scooter Freestyle txapelketaren irabazle
Harriet Portugal lezoarra bigarren sailkatu da 16 urte azpikoen kategorian. Gonzalez eta Portugal Lezoko Omk Indoor klubekoak dira.
Gonzalez eta Portugal klubeko beste scooter batzuekin Marbellan jokatutako txapelketaren ostean. Argazkia: Omk Indoor Zorioneko dago Omk Indoor Lezoko kluba. Alex Gonzalez taldekideak Espainiako Scooter Freestyle txapelketa irabazi du kategoria absolutuan. Ez da elkarteak izan duen lorpen bakarra, taldekidea den Harriet Portugal lezoarra, bigarren sailkatu da txapelketa berean 16 urtetik azpikoen kategorian.
Arrastoa utzi du klubak joan den asteburuan Marbellan (Andaluzia, Espainia) jokatutako txapelketan, eta klubeko beste kirolariek ere lorpenak izan dituzte, lehen postuetatik urrunago ibili badira ere.
Gonzalezen saioa finalean “magistrala” izan zela nabarmendu du Lezoko klubak, “sendotasun osoz ziurtatu zuen titulua”. Portugalen parte hartzea ere jarri dute nabarmen, “lehenengo postutik hiru milarena gelditu zen”.
Txapelketan Espainiako Estatuko 50 scooter aritu ziren.
