Atzo herrian, etzi Hondarribian
Azaroaren 25eko ekitaldien barruan, emakume korrikalariek martxa egin zuten atzo herritik. Asteburuan Hondarribiko lasterketan izango dira.
Atzoko jardueran parte hartu zutenen talde argazkia. Martxan da Lezoko Udalak eta herriko eragileek Azaroaren 25ari begira ondu duten egitaraua. Atzo, adibidez, Emakume Korrikalari Morea egin zuten herriko emakumeek, herriko emakume korrikalarien taldean dabiltzanak gehienbat. Elastiko moreak jarrita egin zuten martxa.
Atzo herrian, eta etzi Hondarribian. Izan ere, hango Emeki elkarteak antolatu duen Emakumeak Korrikan lasterketan parte hartzeko asmoa dute; haiek bakarrik ez, emakume guztiei deia egin diete parte hartzeko Emekiren egoitzatik aterako den bost kilometroko lasterketan: oinezkoak 10:30ean aterako dira, eta korrikalariak 11:00etan. Izena emateko, sakatu esteka honetan.
Atzokoaz gaindi, Azaroaren 25arekin lotutako jarduera gehiago izango dira herrian datozen egunetan. Honakoak dira:
Azaroak 23, osteguna
- Sutargi abesbatzaren emanaldia: 19;30etik aurrera, herriko kaleetan barrena.
Azaroaren 25a, larunbata
- Emakume Korrikalariek Hondarribiko Emeki elkartearen lasterketan parte hartuko dute. 10:30ean abiatuko da, Hondarribiko elkartearen egoitzatik.
Azaroaren 26a, igandea
- Beatriz Egizabalen Magma Mia bakarrizketa: umorea lagun, 19:30ean, hasiko da Gezalan.
Azaroa eta abenduan barrena
- Formazio saioak: Larroxa taldearen eskutik, Kuadrillategin.
