Eguberrietan, eskubaloia
Ereintzak, Munttarpek eta Donibane Eskubaloiak antolatuta egingo dute aurten ere eskubaloian trebatzeko jarduera.
Errenteria-Oreretako Ereintza Eskubaloiak, Lezoko Munttarpe Eskubaloi Klubak, eta Pasaiako Donibane Eskubaloiak indarrak batu dituzte berriz ere eskubaloiaren harrobiari keinua egiteko. Eguberrietako Eskubaloi Campusa antolatu dute, astebetekoa, edo bi astekoa aukeran. Astebetean campusean izan nahi dutenek abenduaren 26tik 29rako eta urtarrilaren 2tik 5erako tarteak aukera ditzakete. Bi aste horietan ere izan daitezke campusean hala nahi dutenek. Errenteria, Lezoko eta Pasaiako udalen babespean egingo dute kirol jarduera.
8-13 adin tartekoentzat bideratua dago campusa (2010 eta 2015 urteen artean jaiotakoak, bi urte horiek barne). Saioak Errenteria-Oreretako Galtzarabordako kiroldegiak jasoko ditu, 09:30etik 13:30era.
Honakoa da prezioen zerrenda, aukeren arabera (klub horien bazkideek prezio merkeagoak dituzte:
- Astebeteko prezioa (izen arrunta): 50 euro haur bakoitzeko. Haren ahizpa, arreba edo anaia apuntatzen bada, haren izen emate prezioa 35 eurokoa izango da).
- Astebeteko prezioa (klubetako bazkideentzat): 45 euro haur bakoitzeko. Haren ahizpa, arreba edo anaia apuntatzen bada, haren izen emate prezioa 30 eurokoa izango da).
Lehen asterako (abenduak 26-29) izen ematea egiteko egin klik hemen.
Bigarren asterako (urtarrilak 2-5) izen ematea egiteko egin klik hemen.
- Bi asteen prezioa (izen emate arrunta): 90 euro haur bakoitzeko. Haren ahizpa, arreba edo anaia apuntatzen bada, haren izen emate prezioa 75 eurokoa izango da).
- Bi asteen prezioa (klubetako bazkideentzat): 85 euro haur bakoitzeko. Haren ahizpa, arreba edo anaia apuntatzen bada, haren izen emate prezioa 70 eurokoa izango da).
