'Kanpora sartzen' antzezlana, ostiralean Antxon
Emanaldia Antxoko Kultur Etxean izango da, 19:00etan. GIBari buruzko umorez betetako emanaldi gordin bat da, euskaraz.
![](https://oarsoaldea.hitza.eus/site/files/2023/11/kanpora_sartzen.jpg)
Antxoko Gazte Topaguneak eta Pasaiako Udalak antzerki emanaldi bat antolatu dute abenduaren 1erako, elkarlanean. Papineko Gazteriak urrian antolatutako zinema saioaren ondoren, Bokaleko gazte elkargunearen baitan antolatzen de bigarren ekintza izango da ostiral honetakoa. Antzezlanak Kanpora sartzen du izena, eta Pasai Antxoko Kultur Etxean izango da, 19:00etan.
Abenduaren 1a HIESaren Aurkako Nazioarteko Eguna da, eta abenduaren 3a, Euskararen Nazioarteko Eguna. Kanpora sartzen antzezlana bi data horiekin lotuta dagoela adierazi dute antolatzaileek: GIBari buruzko umorez betetako emanaldi gordin bat da, euskaraz antzeztua.
Ikuskizuna doakoa da, eta sarrera librea izango da Kultur Etxeko eserlekuak bete arte.