Oiarperen asteburuko partiden emaitzak (2023-11-28)
Bi kanporaketa jokatu dituzte Oiarpeko pilotariek, eta bietan aurrera egitea lortu dute oiartzuarrek. 21etik, hamar garaipen.
Oiarpeko pilotariek 21 partida jokatu dituzte asteburuan, eta horietatik hamarretan izan dira nagusi. Tartean, jokatutako bi kanporaketetan.
Etxeberriak, Apeztegia iruindarrarekin batera, Etorkizuneko Pilotariak Abanca DV Txapelketan aurrera egitea lortu dute, final laurdenak irabazita. Soraluzen jokatu zuten, ostiral arratsean. Erraz gailendu zitzaizkien Labaka azpeitiarrari eta Sotil larraundarrari, 22-5 irabazita.
Sopelan, igandean, Zelaiaran oiartzuarrak eta Etxeberriak Baserria Km. 0 Txapelketan final laurdenetarako txartela lortu dute. Gaztetxoen mailakoak dira, eta Perurena eta Olano tolosarrak garaitu zituzten, 18-7ko emaitzarekin.
Txapelketetako azken faseetako beste bi norgehiagoka jokatu zituzten. Bat irabazi eta bestea galdu zuten Oiarpeko pilotariek.
21 norgehiagoken emaitza ikusteko, esteka honetan klik egin behar da.
