Udalak eta gazteek bat egingo dute abenduaren 15ean
Udalak herriko gazteekin batzarra egingo du. Proiektua azaldu eta gazteen proposamenak eta ekarpenak jaso eta entzuteko.
Oiartzungo Udalak herriko gazteekin batzarra egingo du bi aste barru; abenduaren 15ean, ostiralean, 18:00etan udaletxeko pleno aretoan. Saio “laburra” eta “dinamikoa” izango dela adierazi dute, eta herriko gazte denak animatu dituzte parte hartzera.
Batik bat, udalak gazteentzako aurreikusitako proiektuak azaldu eta ekarpenak jaso nahi ditu. Ekain Susperregi eta Nora Velez del Burgo zinegotziekin elkartuko dira gazteak. 2023-2027 legealdirako udal-taldea prestatzen ari den plana osatu eta aberasteko entzun nahi dituzte gazteen proposamenak. Datozen lau urteak elkarrekin egin ditzaten.
