Tren Berdean ibiltzeko gonbita, hilaren 8rako
Pagoaldea eta Arditurri lotuko ditu Tren Berdeak, abenduaren 8ko jai egunean. Prezio bereziak izango dituela jakinarazi dute.
Arditurriko parketxeak eskaintza iragarri du, hilaren 8ko jai egunerako. Tren Berdeak Pagoaldea eta Arditurri lotuko ditu egun horretan. 10:00etan, 11:00etan eta 12:00etan irtengo da, eta ordu eta erdi geroago izango dira bueltako bidaiak. Hautatzen den bisitaren araberakoa izango da irteera.
Bitartean, Arditurriko meategiak bisitatzeko aukera izango da. Sakoneko bisitak 7 euro balioko ditu . Oinarrizko bisiten prezioak 5 izango dira bost urtetik gorakoentzat, eta 3 eurokoak izango dira beherakoentzat.
Aldez aurretik tokia erreserbatu beharko da, 943 49 50 69 edo 688 89 50 68 telefono zenbakietara deituta. E-posta bidez ere egin daiteke erreserba.
