Klima aldaketa eta krisi eko-soziala hizpide izango dituzte hilaren 13an
Unai Pascual zientzialariak klima aldaketari buruzko hitzaldia emango du. Oiartzungo Klima eta Energia Planaren barruko saioa izango da.
Unai Pascual ikertzaileak hitzaldia emango du hilaren 13an. Unai Pascual zientzialariak hitzaldia emango du hilaren 13an (datorren asteko asteazkenean). Klima aldaketa, krisi eko-sozialaren ispilu izenburua izango du hitzaldiak. Udaletxeko pleno aretoan izango da, 19:00etan hasita.
Klima aldaketaren atzean dauden gizarte eta ekonomiaren gako nagusiak landuko ditu Pascualek. Hainbat galderari erantzunak emango dizkio: Klima aldaketa hemen da, beraz zein da gaur eguneko diagnostikoa?, Eta etorkizunerako erronkak?, eta Nola ulertu klima aldaketa krisi sozio-ekologikoaren testu inguruan? izango dira galderak, besteak beste.
Pascual ekonomian lizentziatua da (EHU, 1996), eta Ingurumen ekonomian doktore (York Unibertsitatea, Erresuma Batua, 2022). 2002tik 2012ra Cambridge Unibertsitateko irakasle izan zen eta 2010etik Basque Centre for Climate Change (BC3) eta Ikerbasqueko ikerlaria da.
Klima eta energia planaren barrukoa
Udalak gogorarazi duenez, Oiartzungo klima eta energiari buruzko diagnosia eta ekintza plana egiteko bidea egiten aritu da. Energia burujabetzan aurrerapausoak eman eta klima larrialdiaren kontra herrian zer egingo den barnebildu dituzte plan horretan.
Hurrengo asteazkeneko hitzaldi horretan azalduko dituzte zeintzuk izango diren planaren helburu eta proposamenak. Herritarrekin batera, elkarlanean lortu nahi dute klima-aldaketaren aurrean erantzuteko nahiz egokitzeko gai den herria,” jasangarria eta arduratsua” izango dena.
Hainbat oiartzuarrek gonbita egin dute, hilaren 13ko hitzaldira joatera animatuz.
