Literaturan ere, jaio dira besteak
Xabier Lete Prosa eta Poesia Sariaren XXXVI. ekitaldiko sariak banatu dituzte, izena ematen dion sortzailearen heriotzaren 13. urteurrenean.
Sarituak, epaimahaikideak eta ekitaldian parte hartu zuten beste hainbatek bukaeran atera zuten argazkia. Atzo bete ziren 13 urte Xabier Lete sortu zela, eta idatzi eta kantatu zuen “jaioko dira besteak“. Beste horiek hemen daudela argi geratu zen, beste behin, idazle eta abeslari oiartzuarraren izena daraman prosa eta poesia lehiaketaren sari banaketan.
Atzo arratsean Landetxeko auditorioan egin zuten ekitaldia. Aiako Harriko Gaztelumendi eta Aitziber Arnaiz Hizkuntza Normalizaziorako Saileko zinegotzi eta teknikariak, hurrenez hurren, gogorarazi zutenez, euskarazko literaturaz gozatzeko, euskaraz irakurtzeko ohitura hartzeko eta idazteko zaletasuna sustatzeko helburuarekin jarri zen martxan lehiaketa hau.
Idazlanetan ikusi duten “sormen lan handia” goraipatu zuten, eta eskerrak eman zizkieten parte hartzaileei. “Tamalez lan mordoxka bildumatik kanpo geratu dira, baina gogoa eta ilusioa jarri eta ahalegina egin duzuen guztioi mila esker. Segi horretan!”.
Suo-Gan taldeko Oihane Mitxelena eta Edurne Saizarrek girotu zuten ekitaldia, eta irabazleek beraien lanak irakurri zituzten oholtzatik. Ekaitz Zabalza aritu zen ilustrazioak eginez. Xabier Leteren arreba Arantzak ez zuen hutsik egin.
Palmaresa ikus daiteke behean, eta azpi-azpian, Oiartzungo Udalak ateratako argazkien galeria:
PROSA:
- LH 3
- Saria: Hur Lasa Alkorta, Urtebetetzeak buelta eman du
- Saria: Laida Goya Berroeta, Gabonetako historia
- Aipamen berezia: Mattin Zalakain Gonzalez, Gabonetako arazoa
- LH4
- Saria: Garoa Zabala Artola, Gabon magikoak
- Saria: Luma Lujanbio Martiarena, Lagunak
- Aipamen berezia: Elur Ziaurritz Olaziregi, Nolakoa da hiltzea
- Aipamen berezia: Larraitz Maritxalar Lekuona, Sagarraren dimentsioa
- LH 5-6
- Saria: Xuhar Larretxea Muxika, Liburu magikoa
- Saria: Jare Ziaurritz Olaziregi, Beranduegi da
- DBH 1-2
- Saria: Aiora Zaldua Elizetxea, Amonaren urrezko sinadura
- Saria: Malen Campo Elizetxea, Pottolo
- Aipamen berezia: Martxel Aragon Hernandez, Migranteak
- DBH 3-4
- Saria: Ane Lekuona Arregi, Mariñela
- Saria: Kattalin Arabolaza Palomo, Giltzapean
POESIA:
- LH 5-6
- Saria: Elene Otaño Blanco, Mitologia
- Saria: Iñaki Lasa Guimon, Bizitza
- Aipamen berezia: Alatz Nazabal Olasagasti, Poesia
- DBH 1-2
- Saria: June Del Teso Olaizola, Ezer gabe hobe
- Saria: Aroa Arbide Zalacain, Zer da bizitza?
- DBH 3-4
- Saria: Irati Gaztelumendi Yarzabal, Bizi garen bitartean
- Saria: Lur Larrañaga Arretxe, Ezagutu ginen eguna
- Aipamen berezia: Lorea Arruabarrena Destribats, Orri zuri-zuria
- 16-18 urte
- Saria: Malen Etxebeste Lekuona, Ezin dut
- Saria: Maren Aginaga Bote, Loratu
