Arte eta artisau azoka egingo dute Ehuntzen, datorren astean
Hilaren 18tik 23ra bitartean, Beheko Plazako espazioan zortzi artistaren lanak aurkitu ahal izango dira, baita altzari zaharberrituak ere.
Ehuntze sormen espazioan Gabonen bueltako datetan azoka txikia egin ohi dute. 2023. urtea ez da salbuespena izango, eta aurten ere arte eta artisau azoka egingo dute bertan.
Zortzi sortzaile eta artisauen lanak ikusi eta erosteko aukera izango da. Gainera, altzari zaharberrituak ere jarriko dituzte salgai.
Datorren astean izango da azoka hori, hilaren 18an hasi eta 23ra arte (astelehenetik larunbatera). Beheko Plazako lokala goizez eta arratsaldez irekiko dute, 11:00etatik 13:30era eta 16:30etik 20:00etara.
Honakoak izango dira sorkuntzak salgai jarriko dituzten egileak:
- Allende Arnaiz: Tapizak, grabatuak eta serigrafia.
- Marodi Sorkuntzak: Jantzigintza.
- Lorena Martinez: Ilustrazioak.
- Belen Moreno: Arte-lanak eta lanparak.
- Idoia Beratarbide: Arte-lanak.
- Goikola: Tapizak eta estanpazio botanikoak.
- Kosta: Itsas egurrak.
- 1545 Argitaletxea.
- Altzari zaharberrituak.
