'Arakne II' bidepoklip musikala grabatuko dute igandean Gaztañoko auzo lokalean
Arakne izena duen berrikuntza soziokulturaleko programa baten parte izango da bideoklip musikal hori. Laura Vega ekintzaileak sortu du programa.
Gaztañoko auzo lokalean izango da grabaketa. Arakne, berrikuntza soziokulturalerako programaren parte den Arakne II bideoklip musikala grabatuko du Laura Vega ekintzaileak igandean. Lezon bizi da Vega, baina Errenteria-Oreretako Gaztañoko auzo lokalean ari da gauzatzen proiektua. 11:00etan egingo dute grabazioa.
Grabatuko duten bideokliparekin Arakne II fabularen eszenetako bat irudikatu nahi du sortzaileak, “kohesio sozialari eta ongizate komunari ekarpena egiten dioten lanak iruteko laborategian elkartzen eta antolatzen diren unea da aukeratu duguna bideoklipera eramateko”.
Eszena zuzenean grabatuko dute, eta bertan parte hartuko duten dantzari, musikari, eta kantariak bertakoak edota ingurukoak direla azaldu du Vegak, “belaunaldi ezberdinetakoak, eta askotarikoak dira”. Kamera lanetan berriz, zine eta bideo graduko ikasleak ariko dira. Hogeita hamar lagunetik gora ariko dira.
Jantziak laborategian bertan sortu dute, hondakinak berrerabiliz eta atrezzoak nazioarteko elkartasuna laztantzen duela gaineratu du sortzaileak, “Gaztañoko hainbat bizilagunekin elkarlanean sortutako Palestinako banderen bidez”.
Grabazio lana bukatuta, hamaiketakoa egingo dute.
