San Tomasek trafiko aldaketak ekarriko ditu lau barrutietara
Asteburuan San Tomas eguna ospatuko da Pasaiako lau barrutietan. Ospakizunek eragina izango dute trafikoan.
San Tomas eguneko ospakizunak hilaren 21ean izaten badira ere, pasaitarrek aurre hartuko diote data horri. Larunbatean Antxoko eta San Pedroko San Tomas egunak ospatuko dituzte, eta igandean, Donibanekoa eta Trintxerpekoa. Txistorraren eta txerriaren bueltako ospakizunek trafiko aldaketak ekarriko dituzte lau barrutietara. Hona hemen:
Pasai Antxo
- Larunbateko 11:00etatik igandeko 06:00ak arte, Gure Zumardia kalea itxita egongo da 5. eta 13. zenbakien artean, Mimos tabernan.
- Gelasio Aranbururako sarbidea, 1. zenbakitik 5.era, Nafarroa etorbidetik egingo da, eta tarte horretan, Gelasio Aranburu kalea bi norabideetakoa izango da.
Pasai San Pedro
- Larunbatean, Arraunlari kalea itxiko da 17:00etatik 20:00etara.
Trintxerpe
- Igandean itxi egingo da Ulia etorbideko 1-3 zenbakitik Azkuenerako sarbidea, 10:00etatik 15:30era. Ulia etorbideko 3. zenbakiko garajeetara sartzeko baino ez da utziko bidea, errei beretik sartu eta irteteko.
- Errenteria kalera sartzeko, Azkuene 32.era iritsi beharko da Ulia etorbide osotik, eta Azkueneko biribilgunetik sartu.
Pasai Donibane
- Igandean Santiago plaza autorik gabe egongo da eta Donibane kalea itxiko da, 11:00etatik 15:00etara.
Informazio gehiagorako, Pasaiako Udaltzaingoaren telefonoa ahalbidetu dute: 943 00 43 00.
Erlazionatutako edukiaAntxotarrek San Tomas eguna ospatuko dute larunbateanSanpedrotarrek ere larunbatean ospatuko dute San TomasSanjuandarren San Tomas eguna, igandean
