Eguberrietan abestuz eskatuko dute presoak etxeratzea
Etxera kantu jira abenduaren 24an egingo da "konponbiderako giltzak" aldarri pean. Autobuserako aurretik izena eman beharra dago.
Oiartzungo Sarek iragarri du 2023ko etxera kantu jira eta abenduaren 24an izango da, igandearekin. Etxera kantu jira buelta da proposatu dutena eta horretarako Oiartzungo txoko batetik bestera autobusez mugituko dira. Edozein geldialditan igo edota jaitsi ahalko da eta zerbitzua doakoa izango da.
Ibilbidea herriko plazan hasiko dute, 16:00etan, eta bertatik Gurutzera joango dira (16:30ean). Bertan abestu ondoren, Arraguara iritsiko dira 17:00etarako eta Mamutera ailegatuko dira, jarraian, 17:30ean. Azken aurreko geltokia Irubide izango da 18:30ean eta eguna bukatzeko plaza inguruan ibiliko dira.
Parte hartzeko aurretik izena eman beharra dago eta horretarako nahikoa da 648 806 784 telefono zenbakira deitzea.
Sarek 2024ko urtarrilaren 13rako egin du manifestazio nazionalerako deia. “Konponbiderako giltzak” da aurtengo aldarria eta bideo honetan entzun daiteke manifestua.
