Errenteria-Orereta ipuinez lepo, larunbatean sari banaketa izan zen
Mundu osoko lanak jaso dituzte. 500 ipuinetik gora, euskaraz zein gaztelaniaz. Hiru sari banatu dituzte hizkuntza bakoitzean.
Saridunak beren oroigarriekin. Larunbatean, Errenteria Hiria Ipuin Lehiaketaren sari banaketa izan zen. Mundu osora zabaltzen dute ipuin lehiaketa Ereintza Elkatekoek. Era honetan, aurten 20 ipuin jaso dituzte euskaraz eta 554 ipuin gaztelaniaz. Sari banaketa Reina aretoan egin zen.
Euskarazko ipuin sariketan irabazlea Maite Lopez Las Heras (Azkoitia) izan da, Urrats Galduen Lorratzean ipuinarekin. 800 euroko saria irabazi du. Antton Obeso saria, 25 urtetik beherako idazle onenari saria, Haizea Muñoa Urdanpilletak irabazi du, Burdinazko Habia ipuinarekin. 400 euroko saria irabazi du. Eta, herriko ipuinik onenaren saria Iñigo Legorburu Arregirena izan da, Begiradak ipuinarekin. 300 euroko saria irabazi du.
Bestelako hizkuntza modalitatean, gaztelaniazko modalitatean, ipuin sariketan irabazlea Tomas Daniela Cuesta Cuesta (Malaga) izan da, Bielas y Cojines ipuinarekin. Antton Obeso saria, Sofia Guardiola Villaverderentzat (Majadahonda, Madril) izan da Mama es una santa ipuinarekin. Eta, herriko ipuinik onenaren saria Eñaut Otazo Alzarena izan da, TAC ipuinarekin.
