Oiarperen asteburuko partiden emaitzak (2023-12-18)
Unax Landak Zumarragan jokatu du finala, Etorkizuneko Pilotarien txapelketakoa, baina 14 tantoan geratu da. Hamar partida jokatu dituzte guztira.
Unax Landa, eskuan oroigarria duela, larunbatean Zumarragan. Oiarpeko pilotariek hamar partida jokatu dituzte asteburuan. Horietako bat finala izan da, Unax Landak jokatu duena. Abanca-DV Etorkizuneko Pilotariak txapelketa prestigioduneko txapela saiaketa egin zuen larunbatean, Oberena taldeko Sanchezekin bikotea osatuta. Zumarragako Beloki pilotalekuan izan zen partida.
Iruindarrak eta oiartzuarrak ezin izan zuten hobe izan Oberenako Sarasibar eta Canseco errioxarraren kontra. Hamalau tantoan geratu ziren, baina txapelketa bikaina egin du oiartzuarrak.
Gainontzeko partidei dagokionez, balantzea positiboa izan da. Bederatzi partidatik zazpi irabazi dituzte. Naiarako lau t’erdiko txapelketan, Oihan Etxeberriak aurrera egitea lortu du, finalerdietarako txartela eskuratuz. Sopelan, Olaiz eta Leonetek Baserria 0 Km. txapelketako finalaren atarikoan arituko dira, garaipena bi tantogatik lortuta.
![[Asteburuko emaitzak]](https://oarsoaldea.hitza.eus/site/files/2023/12/whatsapp-image-2023-12-18-at-09-54-26.jpeg){kind=link}