Hildako bat trafiko istripuan Gi-636 errepidean, Lezon
Kamioi batek eta auto batek aurrez aurre talka egin dute. Ezbeharragatik auto ilarak sortzen ari dira eskualde osoan.
10:00ak aldera trafiko istripua izan da Lezon, Gi-636 errepidean, Errenteriako saihesbidean. Oraindik ezagunak ez diren arrazoiengatik kamioi batek eta auto batek aurrez aurre egin dute talka. Segurtasun Sailak jakinarazi du hildako bat izan dela ezbeharrean. Kausa argitzeko ikerketa abiatu du Ertzaintzak.
Istripuagatik ibilgailu ilara luzeak ari dira izaten errepide horretan, eta horiek Oarsoaldeko beste errepideetara zabaldu dira. Une honetan (11:45ean) zaila da eskualdean, batez ere istripuaren zonaldean, ibilgailuan mugitzea.
