Haur eta gazteentzako eskaintza zabala izango da Eguberritan
Abaraxka ludoteka, alde batetik, eta Topalekua, bestetik, oporretan daudenentzako erreferentzia izango dira.
Eguberritako oporrak hasi dira —edo laster hasiko dira—, eta, horren harira, Abaraxka ludotekak eta duela gutxi zabaldu den Topalekuak egitarauak antolatu dituzte.
Ludotekari dagokionez (parte-hartzea librea izango da; ez da kide izan behar), Xanisteban Eguneko erromeriarekin hasiko da, datorren astearte arratsaldean. Itturrirekin elkarlanean antolatutako truke-jolasarekin jarraituko du biharamunean.
Ainbo filmak, jolasak eta antzerkiak eta mendi buelta batek osatuko dute lehenengo astea. Ekitaldi guztiak arratsaldez izango dira, txangoarena izan ezik.
Urtarrilaren 2arekin bueltatuko dira ekintzak, eta herrian kantatzera gonbidatu dituzte ikasleak. Abaraxkatik aterako dira, 11:00etan. Hurrengo egunean kamisetak sortuko dituzte ludotekan, eta egitarauari itxiera emateko Braille hizkuntza ezagutzeko saioa egingo dute Abaraxkan bertan.
Abaraxkaren egitaraua
-
Hilak 26, asteartea: Xanisteban eguneko erromeria (17:00tean, Doneztebe plazan).
-
Hilak 27, asteazkena: Truke jolasa (16:30ean, Abaraxkan).
-
Hilak 28, osteguna: Zinea, ‘Ainbo’ (17:00etan, Landetxe kultur aretoan. Sarrerak sarrerak.oiartzun.eus helbidean salgai)
-
Hilak 29, ostirala: Jolasak eta antzerkia (16:30ean, Landetxen. Antzerkirako sarrerak udalaren sarreren webgunean salgai).
-
Hilak 30, larunbata: Mendi buelta (10:30ean, Abaraxkatik abiatuta).
-
Urtarrilak 2, asteartea: Kantuan herrian zehar, Petra Lekuona eta Aiton Etxera abestera (11:00etan, Abaraxkatik abiatuta).
-
Urtarrilak 3, asteazkena: Kamisetan sortzen (16:30ean, Abaraxkan).
-
Urtarrilak 4, osteguna: Braille tailerra (16:30ean, Abaraxkan).
Topalekuan, ere bai
Haurrek gozatzeko aukeraz gain, gazteentzako hainbat ekitaldi antolatu ditu Topaleku ireki berriak. Landetxe plazako gunea bihar hasiko da eskaintzarekin, eta ekitaldi guztiak 17:00etatik 21:00etara bitartean izango dira. Honakoa izango da egitaraua:
-
Hilak 21, osteguna: Taloak.
-
Hilak 22, ostirala: Bingo musikatua.
-
Hilak 23, larunbata: Zinema eta txokolatada.
-
Hilak 28, osteguna: Altzari tailerra.
-
Hilak 29, ostirala: Ping-pong txapelketa.
-
Hilak 30, larunbata: Afari-merienda.
-
Urtarrilak 4, osteguna: Kahoot.
-
Urtarrilak 5, ostirala: Murala sortzen.
