Areto futboleko taldeak lidergoa indartu du, bigarrena garaituta
Orain bakarrik dira sailkapenaren buruan. Emakumeen futbol talde nagusiak berdindu egin du, baita gizonenak ere.
Pauso indartsuak ematen ari da Oiartzun Kirol Elkarteko areto futboleko talde nagusia. Ostiral arratsean beste bat eman zuen, ordura arte beraiekin batera sailkapenaren buruan zegoen Idiazabal BaiReformas gaindituta.
Autoritatedun garaipena lortu zuten Elorsoron. Goierritarrak aurreratu ziren, lehen zatia bukatzeko hamar minutu falta zirenean, baina Oiartzunek atsedenaldia iritsi baino lehen berdindu zuen. Bigarren zatiak, baina, kolore bakarra izan zuen: oiartzuarren urdina.
Oiartzuarrak aurreratu, baina idiazabaldarrek berdindu zuten. Orduan iritsi zen oiartzuarren haize-erauntsia: bost gol sartu zituzten, bata bestearen atzetik. Gol bana sartu zituzten bi taldeek partidaren bukaera aldean.
Oiartzun lider da, eta Lauburu Ibarrari puntu bateko aldea ateratzen dio orain.
Miren Tabernak ere irabazi egin zuen. Aldapeta Mariaren kontra jokatu zuen, haien kantxan, eta bide onetik hasi zuten partida, aurreratuta. Donostiarrek berdindu, baina atsedenaldia iritsi baino lehenago 1-4 jarri ziren.
Bigarren zatia hasi eta berehala, bogsarrena sartu zuten oiartzuarrek. Hiriburukoak hurbildu ziren, 3-5 jarrita, baina beste bi gol gehiago sartuta itxi zuten partida. Bigarren postuan dira oiartzuarrak, Ttakun liderrarengandik lau puntura.
Futbolean, berdinketak
Emakumeen talde nagusiak partida ikusgarria jokatu zuen Karla Lekuonan. Gol festa izan zen bertan. Bizkerrek bere kalitatea erakutsi zuen Ugaldetxon, eta lehenengo zatiko jokoa menperatu zuten.
Bigarren zatian, baina, oiartzuarrek ez zuten amorerik eman, eta 2-4 joan arren, launa berdintzea lortu zuten.
Gizonen kasuan, haiek ere berdindu egin zuten. Bergararen zelaia beti da plaza gogorra, baina puntu bat ekarri zuten, bana berdindu ondoren.
Emakumeen 3. RFEF Maila
- Oiartzun — Bizkerre B: 4-4.
Gizonezkoen Ohorezko Erregional Maila
- Bergara— Oiartzun: 1-1.
Emakumeen Euskal Liga
- Aranbizkarra — Oiartzun B: 1-4.
Gizonen Lehen Erregionala
- Oiartzun B — Beti Ona: 3-2.
Emakumeen Ohorezko Erregional Maila
- Oiartzun C — Urola: 0-6.
Mutilen Gazte Mailako Euskal Liga
- Añorga — Oiartzun: 2-0.
Mutilen Gazte Mailako Gorengo Maila
- Touring B — Oiartzun B: 1-1.
Mutilen Gazte Mailako Lehen Maila
- Touring C — Oiartzun C: 1-2.
ARETO FUTBOLA
Gizonen Gipuzkoako Lehen Maila
- Oiartzun — Idiazabal BaiReformas: 8-3.
Gizonen Gipuzkoako Bigarren Maila
- Aldapeta Maria Ikastetxea — Miren Taberna OKE: 3-7.
