Unax Landa, finalera Elgoibarko San Anton txapelketan
Apezetxea goizuetarrarekin batera jokatzen ari den txapelketako finalera iritsi da Oiarpekoa. Bederatzi partida eskuratu dituzte, 25etik.
Oiarpeko pilotariek 25 partida jokatu dituzte, eta balantzea —datu hotzak kontuan hartuta— ez da biziki positiboa izan. Bederatzi partida irabazi dituzte, horietako batzuk klubeko arerioen kontra. Gehienak lehen faseetako partidak izan dira.
Hala ere, emaitza kuantitatiboa baino, kualitatiboa izan da Unax Landak eskuratu duena. Pasa den ostiral gauean Elgoibarren aritu zen, Apezetxea goizuetarrarekin batera ari den San Anton txapelketako finalerdia jokatzen.
Irribarria lazkaotarra eta Apeztegia Oberena klubeko iruindarra izan zituzten pare pare, nor baino nor finalaren bila. Oiartzuarrak eta goizuetarrak, beste behin, konbinazio polita osatu zuten, eta 22-17 gailendu ziren. Modu horretan, Etorkizuneko Pilotariak sustatzen dituen txapelketa horren azkeneko partidan arituko dira.
Oiarperen asteburuko partida guztien emaitzak ikusteko, egin klik esteka honetan.
