Sentsazio onak berreskuratu dituzte Donibaneko gizonek
Decotextil Euskadi Donibanek garaipen sendoa eskuratu du etxean. Lehen zati kaskar baten ondoren, bigarren zatian iraultzeko gai izan dira.
Asteburu gazi-gozoa izan du Donibane Eskubaloiak. Gizonezkoen lehen taldeak ekarri du asteburuko garaipen bakarra. Gipuzkoako Gizonen Lehen Lurraldeko kategorian, beharrezkoa zuten garaipena eskuratu dute Eibarren kontra Decotextil Euskadi Donibanekoek, etxean (27-22). Lehen zatian erraz gailendu dute defentsa eibartarrek, eta atsedenaldira hiru goleko desabantailarekin heldu dira. Bigarren zatian, berriz, bertsiorik onena eskaini dute sanjuandarrek, eta markagailua iraultzeko gai izan dira.
Emakumeek, berriz, ez dute garaipenerako ia aukerarik izan. Garaipen gogorra jaso dute (34-6).
Bestalde, Donibane Kalaburtzak merituzko berdinketa bat eskuratu du asteburuan Hernanin (30-30). Buka-bukaeran eskuratutako gol bati esker puntu bat lortzeko gai izan dira.
Azkenik, Donibane Mitxintxolak ere ezin izan du punturik eskuratu, garaipena oso gertu ikusi arren. Bergararen kontra jokatu dute asteburuko partida, eta 24-25 bukatu dute, tamalez. Bigarren zatian irudi onagoa eman arren, ez dira markagailua iraultzeko gai izan.
