Heldu dela ihoteetako egitaraua!
Urteko lehen festa nagusiak ospatuko dituzte hurrengo asteburuan. Egitarauaren berri eman dute; osagaiak urterokoak izango dira.
Otsailaren 2an udaletxea hartuko dute intxixu, sorgin eta basandereek. Ihote eguna usain daiteke Oiartzunen. Hainbat zita jarri dituzte haiek prestatzeko; hurrena datorren larunbatean izango da —hilak 27—, dantzak entseatuko dituzte udaletxean, 16:30etik aurrera.
Egitaraua prest daukate. Norbaitek esan zuen Funtzionatzen duen hori zertarako aldatu?, eta ihoteetan ere hala izango da.
Otsailaren 2tik 4ra izango dira ihoteak. Honakoa izango da basandere, intxixu eta sorginak, Kataxulo atzean utzita, nagusituko diren egunetako egitaraua:
Hilak 2, ostirala
- 16:45ean: Burrunbaaa! Ihoteei deia, Beheko Plazako biribilgunetik.
- 18:00etan: Txokolatada Done Eztebe plazan.
- 18:30ean: Herri dantzak.
- 19:00etan: Azeri dantza eta Sorgin dantza.
- 19:30ean: Intxixu, basandere eta sorginek plaza hartuko dute.
Otsailak 3, larunbata
- o9:00etatik aurrera: Auzoetan Kuestaziyua, poxpolinez jantzita.
- 14:30ean inguruan: Bazkaria. Auzo bakoitza bere elkartean.
- 18:00etan: Auzoetan ibilitako kuadrillak plazan elkartuko dira.
- Ondoren: Musika eta festa giroa Kataxuloko txosna inguruan.
Otsailak 4, igandea
- o9:00etan: Diana txistulariekin.
- 11:00etan: Beheko Plazatik karroxa eta kalejira alaia.
- 12:00etan: Dantza gidatuak plazan.
- 19:00etan: Intxixu, basandere eta sorginei agurra.
- Bukatzeko, Suzko Akerra.
