'Oarso' aldizkaria, artikulu bila
'Oarso' aldizkariaren ale berriak uztailean argitaratuko dute. Hura osatzeko artikuluak aurkezteko epea zabaldu dute orain.
Oarso urtekariaren zenbaki berri bat argitaratuko du udalak uztailean, madalenen bueltan. Horretarako, artikuluak bildu behar ditu aurretik, eta aldizkariaren erredakzio batzordeak horiek jasotzeko epea zabaldu duela jakinarazi berri du. Parte hartzera deitu ditu herritarrak, artikuluak aurkeztera. Jarraitu beharreko arauak, hemen klik eginda kontsulta daitezke.
Kolaborazioak aurkezteko epea, maiatzaren 1a arte izango da zabalik. Argibide gehiago behar dituztenentzat bi telefono zenbaki: 943 44 96 26 edo 943 44 96 10. Astelehenetik ostiralera 08:00etatik 14:00etara deitu daiteke horietara. Posta elektronikoa ere jarri dute eskura, egin klik hemen.
Parte hartzea eta kolaborazioetarako gaia librea eta irekia da.
Oarso aldizkariaren erredakzio batzordeak, bestalde, urtean zehar Errenteria-Oreretan izandako kultur gertakizunekin, oroitzapen ekitaldiekin, pertsona ezagunekin eta aldizkarian ohiko atalekin lotutako artikuluak idazteko herritarren parte hartzea bilatuko du.
