Martxoak 8
Martxoaren 8aren harira, ekitaldi sorta Donibanen
Datozen egunetarako hitzaldia, ikastaroa, bazkaria eta omenaldia antolatu ditu Bixi Bixi elkarteak, ostiraleko Emakume Langileen Nazioarteko Egunaren harira.
Ostiraleko (hilak 8) Emakume Langileen Nazioarteko Egunaren harira, ekitaldi sorta antolatu du Donibaneko Bixi Bixi elkarteak. Gaur izango da lehen ekitaldia eta asteburura bitarte luzatuko dute egitaraua. Honakoa da:
- Hilak 5 (asteartea): Zaintza eskola feministaren argitan hitzaldia eskainiko du Ainhoa Ozaeta doktoreak, 19:00etan, Kultur Aterpena.
- Hilak 9 (larunbata):
- 9:00: Emakumeentzako autodefentsa ikastaroa egingo dute, lau ordukoa, Juanba Berasategi aretoan. Izena emateko 667 722 144 telefono zenbakira deitu beharko da.
- 14:00: Bertso bazkari musikatua egingo dute Miren Amuriza eta Uxue Alberdi bertsolariek Beñat Antxustegi eta Eneko Sierra musikariekin. Donibane Azkaratek gai jartzaile lanak egingo ditu. Helduen txartelak 15 euroan eskura daitezke, eta haurrena, berriz, 10 euroan, 667 722 144 telefono zenbakira deituta.
- Hilak 10 (igandea): Pasaiako emakumeen borrokak omentzeko ekitaldia egingo dute Santiago plazan. 12:00etan abiatuko dira Meipitik, kalejiran.
Erlazionatutako edukia“Kontzientzia feministan sakontzeko”, egitarau zabala Pasaian
