Antxon eta Trintxerpen mobilizatuko dira bihar pasaitarrak
Emakume Langileen Nazioarteko Egunean bi barrutietako kale eta plazak aldarrikapenez betetzera deitu du Pasaiako Mugimendu Feministak.
Iazko martxoaren 8an Antxoko manifestazioan ateratako irudia da. Biharko (hilak 8) Emakume Langileen Nazioarteko Egunean bi mobilizazio egingo dituzte Pasaian. Lau barrutietako talde feministek eta udalak antolatuta, beste ekintza askoren artean, Antxon eta Trintxerpen elkarretaratze bana egingo dute. 19:00etan izango dira biak. Antxokoa Biteri plazan, eta Trintxerpekoa, berriz, Gernika plazan.
Aurretik, 12:00etan hain zuzen, emakumeen arteko entzute taldea bilduko da, Trintxerpeko Gudarien plazan. Euria egingo balu, alkateordetzara lekualdatuko dute saioa.
Aurtengo martxoaren 8a ere ez dute egun bakar batera mugatu, eta hala, azken egunetan bezalaxe, ekitaldi eta ekintzak izango dira datozen egunetan ere. Honakoa da datozen egunetarako egitaraua:
- Hilak 9 (larunbata):
- Autodefentsa feminista tailerra eskainiko diete herriko emakumeei, 09:00etan, Donibaneko kiroldegian. Bixi Bixi elkarteak antolatuta.
- Bertso bazkaria, 14:00etan, Donibaneko Bixi Bixi elkartean. Uxue Alberdi eta Miren Amuriza bertsolariak ariko dira. Bixi Bixi elkarteak antolatuta.
- Hilak 10 (igandea): Pasaiako emakumeon borrokak omenduz ekitaldia egingo dute, 12:30ean, Donibaneko Santiago plazan. Aurretik, 12:00etan, kalejira abiatuko da Meipitik.
- Hilak 11 (astelehena): Emakumeon osasuna, bikini medikuntzatik haratago izeneko hitzaldia eskainiko du Lucia Gallego Andresek, 19:00etan, Trintxerpeko alkateordetzan. Topaketa taldeak antolatuta.
- Hilak 12 (asteartea): Un cuento de hadas para una menopáusica liburua aurkeztuko du Rosa Rubio Sanchez idazleak, 19:00etan, Trintxerpeko alkateordetzan. Topaketa taldeak antolatuta.
- Hilak 13 (asteazkena): Collage tailerra egingo dute Emi Pazosekin, 17:00etan, Bekoz Bekoren lokalean (Antxo). Bekoz Bekok antolatuta.
- Hilak 21 (osteguna): Errudunak, kontrakoa frogatu arte? Gizonak feminismoaren beldur al dira? hitzaldia eskainiko du Belen Fornies Belok (gaztelaniaz), 18:00etan, Bekoz Bekoren lokalean (Antxo). Bekoz Bekok antolatuta.
- Apirilak 8 (astelehena): Emakumeak eta sexualitate osasuntsua izeneko hitzaldia eskainiko du Amelia Tiganusek (gaztelaniaz), 17:00etan, Bekoz Bekoren lokalean (Antxo). Bekoz Bekok antolatuta.
