"Eta Korrikaren egunean, Oiartzunen zer?"
Hilaren 23an pasatuko da Korrika Oiartzundik, eta egun horretarako hainbat ekitaldi antolatu dituzte, baina baita aurreko bi egunetarako ere.
Hamabi kilometro egingo ditu Korrikak Oiartzunen. Biharko hasiko da 23. Korrika Irunen, eta Oiartzunek, mugakide izan arren, pixka bat itxaron beharko du, hurrengo igande goizaldera arte (hilak 24). Gauerdia pasatxo iritsiko da Oiartzunera, baina itxaronaldia arintzeko hainbat ekitaldi antolatu dituzte larunbaterako, Korrikak ez baitu egutegiak ezarritako mugarik ezagutzen.
Hala ere, aurreko bi egunetan —hilaren 21ean eta 22an, ostegun eta ostiralarekin— ere hainbat ekitaldi antolatu dituzte. Ostegunean bertso poteoa egingo dute, eta ostiralean Korrika Txikia eta Korrika Gaztearen txanda izango da.
Hilak 21, osteguna
- 18:00etan: Bertso-poteoa, Landetxetik.
Hilak 22, ostirala
- 15:00etan: Korrika Txikia. Jarraian, askaria.
- 17:00etan: Eskolaz kanpoko ekintzen erakustaldia. Ondoren, plaza apainketa gazteek egindako pankartekin.
- 18:30ean: Beroketa gidatua: Uxue, Garazi eta Malen.
- 19:00etan: Korrika Gaztea. Ondoren, mezuaren irakurketa eta askari autogestionatua.
- 21:00etan: Pintxo-poteoa.
Hilak 23, larunbata
- 11:00etan: Dultzaineroak.
- 12:00etan: Mutxikoak.
- 13:00etan: Argazki ofiziala lekuko eramaileekin.
- 16:30ean: Zirku tailerra. Bitartean, puzzlea margotzea eta murala osatzea.
- 18:30ean: Pirritx, Porrotx eta Marimototsen pagoaren landaketa, Arizmendin.
- 19:30ean: June Galardiren kantaldia.
- 22:30ean: Dj Txillardegi. Afari autogestionatua.
- 00:15ean: Beroketa gidatua, Luix Mitxelenarekin.
- 00:27an: Korrikaren iritsiera, Arraguan.
- Korrika pasatzean: Dj Txillardegik pintxatzen jarraituko du.
