Arraguatik Aritxulegira, 32 lekuko aldaketa Korrikan
Ordubete pasatxo ibiliko da Korrika Oiartzunen barrena. Eskuz esku ibiliko da hamabi mugarrien artean, metro gutxi egiteko aukera emanez.
Lehendabizi eguna eta ordua jakinarazi zituzten. Ondoren, eguneko egitarauaren berri eman zuten. Orain, lekukoak nortzuek —eta non— eramango dituzten adierazi dute.
Korrika Oiartzunen aurtengo ibilaldiko azkeneko orduetan sartuko da. Antolakuntzak jakinarazi duenez, 00:27 inguruan iritsiko da Arraguako biribilgunera. Aldeguna elkarteak hartuko du Remigio Mendiburuk sortu eta Juan Gorritik 2.0 bertsioa egin zuen lekukoa.
Korrikak Aritxulegin utziko du Oiartzun, eta Iturriotz, Gurutze eta Karrika kenduta, gainontzeko auzoetatik pasatuko da. Korrikako 12 kilometro izango dira guztira, eta horietan guztietan 32 izango dira eskuz esku lekukoa elkarri emango diotenak. Metro gutxi izango ditu eragile bakoitzak eramateko, baina testigua eramatearen emozioak ez dira ibilbide osoan bertan ere sartzen.
Ibilbidea
- 2663. km. Arraguako biribilgunea (00:27): Aldeguna.
- Autobideko biribilgunea: Niessen.
- Saltoki: Tajo.
- Labore Oarso: Labore Oarso.
- 2664. km. Ugaldetxoko futbol zelaian (00:33): Oiartzun Kirol Elkartea.
- Matteoko bihurgunean: Ugaldetxo Kultur Taldea.
- Mendibileko autobus geltokia: Haurtzaro Ikastola.
- 2665. km. Pikabeneko biribilgunea (00:40): Elizalde ikastetxea.
- Tolaitako autobus geltokia: EH Bildu.
- Elizalde hotelean: Etxerat eta Sare.
- 2666. km. Done Eztebe plazan (00:45): Oiartzungo Udala.
- Ibargain musika-eskolan: Karaez-Oiartzun.
- Santusene biribilgunea: Killirikupe.
- 2667. km. Altzibarko plaza (00:50): Altzibarko festa batzordea.
- Peruene: Artaso.
- Zokolo: Iturri Berri.
- 2668. km. Fortaleza (00:57): Girizia.
- Ametsegia: Bizardia.
- Auzokalte: Auzokalte.
- 2669. km. Pagoaldea industrialdea (01:04): Gogortzenetarrak.
- Lesakako bidea 3: Oiartzungo Asanblada Feminista.
- 2670. km. Arditurriko bidegurutzea (01:12): Ezker abertzalea.
- Lesakako bidea 4: Wikiemakumeak eta Zilibito Records.
- 2671. km. Txarondo baserria (01:19): EAJ.
- Lesakako bidea 5: Papresa.
- Lesakako bidea 5: Intxixu-AEK.
- 2672. km. Portuburu baserria (01:26): Añaki.
- Lesakako bidea 6: Miren areto futbol taldea.
- 2673. km. Baztertxo baserria (01:32): Biyurrienea.
- Lesakako bidea 7: Carrefour.
- 2674. km. PR Bidegurutzea (01:36): Iturriozko jai batzordea.
- Lesakako bidea 8: Arritxulo eta Tomaxen borda.
