Euskararen Paparazzien sariak banatu dituzte
Euskararen Paparazziak argazki lehiaketako irabazleak Egoitz Segura, Iñaki Nogueira, Larraitz Lasa, Itxaro Gartzia eta Sindy Avila izan dira.
Euskararen Paparazziak lehiaketako irabazleak, sariekin. Korrika kulturalaren baitan antolatutako argazki lehiaketa da Euskararen Paparazziak, eta Errenteriako, Lezoko, Oiartzungo eta Pasaiako merkataritza eta ostalaritza establezimenduetan euskararen erabilera handitzea eta hizkuntza pasaiak duen garrantzia azpimarratzea du helburu.
43 argazki aurkeztu zituzten seigarren edizio honetara, eta herri bakoitzeko irabazle bat aukeratu du epaimahaiak: Lezoko argazki onenaren saria Iñaki Nogueirari eman diote, Zarzuelo botikari egindako argazkiagatik. Oiartzungoa Larraitz Lasak eta Itxaro Gartziak irabazi dute Urrats liburu dendari egindako argazkiagatik, Errenteriakoa Egoitz Segurak Izan Nutrizio dendari ateratakoagatik, eta Pasaiakoa, berriz, Sindy Avilak irabazi du, Donibaneko Katiuskak estudioari egindako argazkiagatik.
Irabazleek 2024ko martxoaren 25etik maiatzaren 31 bitartean Oarsoaldeko saltokietan gastatzeko 150 euroko ordainsaria eskuratu dute. Hemen daude argazkiak ikusgai.
