Uraren hornidura eta estolderia zerbitzuaren tasak ordaindu daitezke
Uraren hornidura eta estolderia zerbitzuaren tasak ordaintzeko epea gaurtik maiatzaren 14ra artekoa izango da, biak barne.
Maitzak 14 izango da tasak ordaintzeko azken eguna. Dagoeneko ordaindu daitezke uraren hornidura eta estolderia zerbitzuaren tasak. Errenteriako Udalaren ZU! Arreta zerbitzuan agertzen da, eta iragarkia Gipuzkoako Aldizkari Ofizialean argitaratu eta biharamunetik aurrera hilabete batekoa izango da aztertzeko epea. Era berean, erreklamazioak aurkezteko epea ere hilabete batekoa izango da, eta Ogasun Saileko Delegatura jo beharko da horretarako. Erreklamazioak ere ZU! Arreta Zerbitzuan aurkeztuko dira, eta aipatutako epearen barruan erreklamaziorik aurkeztu ez bada, onartutzat joko da.
Zergaren bilketa epea 2024ko martxoaren 27tik maiatzaren 14ra artekoa izango da, biak barne. Epea amaitu ondoren premiamendu bidezko derrigorrezko jardunbideari ekingo zaio eta ordaindu ez diren kuotak epe exekutiboari dagozkion errekarguekin kobratuko dira, baita atzerapen korrituak, eta, dagozkion kasuan, sortzen diren ekintzen gastuak ere.
Helbideratutako ordainagiriak borondatezko epearen azken egunean (maiatzak 14) kargatuko dira baimendutako Entitate eta kontuan. Hala ere, ordainagiria helbideratuta ez daukaten zergadunek ordainketa ZU! Arreta zerbitzuan edo edozein entitate laguntzailetan egin dezakete, betiere aipatutako epearen barruan.
