Urdaburu Mendi Elkartea, Zuberoako Arthanolatze mendira
Euskal Mendi Federazioak Euskal Herri osoko 100 mendi igotzea proposatu du 100. urteurrena ospatzeko. Irteera hilaren 27an izango da.
![](https://oarsoaldea.hitza.eus/site/files/2024/04/2024-04-27-arthanolatze.gif)
Errenteriako Urdaburu Mendizale Elkarteak irteera bat antolatu du Euskal Mendizale Federazioak bere 100. urteurrena ospatzeko prestatu dituen ekintza desberdinen artean. Irteera apirilaren 27an izango da, eta Zuberoko Arthanolatze mendia igoko dute 100 urte 100 mendi izenpean. Horretarako, mendi elkarte ezberdinen artean banatuko dituzte mendiak, eta tontor bakoitzaren gainean 100. urteurrenaren banderarekin argazki bat aterako dute. Hain zuzen, erronka nagusia Euskal Herri osoko 100 mendi igotzea izango da.
Urdaburu Mendizale Elkarteak Zuberoako Arthanolatze (1531) mendiarekin hartuko du parte; eta, horretarako, Urdaburuk Harsüdürra mendizerra osoaren zeharkaldia planteatu du Bagargitik Salbatorera, eta 4 ordu eta erdiko txangoa izatea aurreikusten dute.
Irteera 7:30ean izango da Zumardiko autobus geltokitik, eta 7:35ean Lintzirinetik. Izena eman nahi duenak Urdaburu Mendizale Elkartearen egoitzara joan daitezke astearte eta ostegunetan 19:00etatik 21:00etara, 943 52 78 79 telefonora deitu dezakete, edo formulario hau bete dezakete.