Maiatzean bueltatuko da 'Kantagiltza', Lide Hernandorekin
Bosgarren ekitaldia izango da aurtengoa. Maiatzaren 5ean izango da lehenengo saioa, eta beste hiru gehiagok osatuko dute.
Lide Hernando izango da lehenengo gonbidatua. Gero eta errotuago dago Kantagiltza hitzaldi musikatuen zikloa. Horren adibide da aurtengoa bosgarren ekitaldia izango dela. Maiatzaren 5ean hasiko da, eta lau artista gonbidatuko dituzte aurtengo denboraldian.
Lehenengo gonbidatua Lide Hernando izango da. Liher bandan ibilitakoa da, eta orain Bele proiektua du esku artean. Bere lanaren nondik norakoak kontatuko ditu maiatzaren 5ean.
Antolakuntzan toki eta orduaren xehetasun gehiago emango ditu datozen egunetan, baina aurreratu dutena da lau saioetarako abonamendua eros daitekeela. Landetxe eraikineko tabernan salgai dago, 15 euroren truke.
Honakoa izango da udako bi hilabete osoen aurretik eta ondoren egingo diren hitzaldi musikatuen egitaraua:
- Maiatzak 5, igandea: Lide Hernando.
- Ekainak 30, igandea: Gartxot Unsain.
- Irailak 14, igandea: Erramun Martikorena.
- Urriak 20, igandea: Izaro Andres.
Kantagiltzaren helburua egilearen obra gertutik ezagutzea da. Galderei erantzuten diete, eta piezak tartekatzen dituzte.
Musikaren transmisioa da antolatzaileen kezketako bat, eta hori modu goxoan egiten saiatu nahi dute saio horiekin.
