Merindade bezain beste gol sartu dizkio Oiartzunek Mutilverari
Lizaso, Rebecca eta Begoñak bina gol sartu dizkiote Nafarroako taldeari. Mutilek berdindu egin dute, eta areto futbolean, bi taldeak nagusi.
Karla Lekuonan larunbatean jokatu zuten partida. Sei merindade ditu Nafarroak, bat Pirinioetako alde hartan eta beste bostak alde honetan. Oiartzunek Nafarroako talde baten —Mutilveraren— bisita jaso zuen larunbatean, eta dozena erdi izan ziren lortu zituzten golak.
Oiartzuarrek segituan hautsi zituzten nafarren kateak, eta aukera asko sortu zituzten norgehiagokaren hasiera-hasieratik. Atsedenaldirako lau gol sartuta zituzten, eta bueltan beste biak sartu zituzten. Begoña, Rebecca eta Lizaso izan ziren golegileak. Laugarren dira oiartzuarrak.
Mutilek, berriz, Hernanin jokatu zuten. Oso ongi atera ziren Zubipeko kantxara, baina etxekoak aurreratu ziren, falta baten bitartez. Seinek segituan —23. minutuan— berdindu zuen, eta bigarren zatia nahiko parekatua izan zen. Azkenenean berdinketarekin konformatu ziren. Oiartzungo gizonen taldea hamargarren da sailkapenean.
Areto futbola
Areto futbolean, bi taldeek garaipena lortu zuten. Lehenengo Mailan, oiartzuarrek Teep Tolosalaren bisita jaso zuten. Aldageletara 2-0eko markagailuarekin joan ziren, eta hirugarrena bigarrenaren hasieran hasi zen. Tolosarrek aldea murriztu zuten, baina oiartzuarrek bost sartu zituzten jarraian.
Liderrak —Lauburuk— Antiguan berdindu zuen, eta oiartzuarrek puntu bakarrera dute lider postua.
Bigarren Mailan, Miren Taberna Eskoriatzara joan zen. Ongi hasi zen partida, oiartzuarrek bi gol sartu baitzituzten. Ondoren etxeko taldeak markagailua murriztea lortu zuen, eta 1-2 iritsi ziren atsedenaldira. Bigarren zatiaren hasieran etxekoen berdinketa iritsi zen.
Oiartzuarrek ongi erantzun zuten, eta hiru gol sartu zituzten. Eskoriatzarrena izan zen norgehiagokako azkeneko gola. Garaipen horrekin lider izaten jarraitzen dute.
Emakumeen 3. RFEF Maila
- Oiartzun — Mutilvera: 6-0.
Gizonezkoen Ohorezko Erregional Maila
- Hernani — Oiartzun: 1-1.
Emakumeen Euskal Liga
- Oiartzun B — Erandioko Betiko Neskak: 2-2.
Gizonen Lehen Erregionala. Kopa M-1.
- Trintxerpe B — Oiartzun B: 1-7.
Emakumeen Ohorezko Erregional Maila
- Mariño — Oiartzun C: 7-0.
Mutilen Gazte Mailako Euskal Liga
- Oiartzun — Ariznabarra: 2-4.
Mutilen Gazte Mailako Gorengo Maila
- Oiartzun B — Behobia: 3-3.
Mutilen Gazte Maila. Gipuzkoako Kopa: M1.
- Oiartzun C — Orereta Kafea: 7-2.
ARETO FUTBOLA
Gizonen Gipuzkoako Lehen Maila
- Oiartzun — Teep Tolosala: 8-1.
Gizonen Gipuzkoako Bigarren Maila
- Eskoriatza — Miren Taberna OKE: 3-5.
