Oiarperen asteburuko emaitzak (2024-04-22)
Oiartzungo klubeko pilotariek 36 partida jokatu dituzte asteburuan. Hamasei garaipen lortu dituzte oiartzuarrek. Ez dute finalera iristea lortu.
Oiarpeko pilotarien pasa den asteburuko kartelera izenez lepo egon da. Izan ere, 36 partida jokatu dituzte ostegunetik igandera bitartean.
Partida gehien-gehienak lehenengo fasetakoak izan ziren. Oiartzuarrek ez zuten balantze positiboa lortu, gutxigatik: hamasei partida irabazi zituzten.
Asteburuko kanporaketa bakarrak igandean jokatu zituzten, biak ala biak Bizkaian. Alde batetik, Mungiako txapelketan, gazteen mailan, Olaiz oiartzuarrak Legarreta hernaniarrarekin batera fasez pasatzea bilatu zuten. 22-15 galdu zuten Egurrola eta Calvo markinarren kontra.
Bestetik, Landak Amiano tolosarrarekin Ajangizko txapelketaren finalera iristea nahi zuen (nagusien mailan), baina gehiago izan zen Mundarroko Lizeagak eta Mañariko Bernaolak osatutako bikotea. 22-16 galdu zuten.
Oiarperen emaitza guztiak ikusteko, egin klik esteka honetan.
