Oiartzungo hauteskundeetako emaitzak, auzoka
EH Bilduk auzo guztietan egin du gora, eta EAJ ia guztietan jaitsi da, Ergoien eta Gurutzen izan ezik. Gainontzekoetan, denetarik.
EH Bilduk alperra pasatu zuen atzoko hauteskundeetan. Ehuneko eztabaidaezina lortu zuen —%68—, eta garaipena argia izan zen.
Lupa auzoetako emaitzetan jarrita, mahai guztietan egin zuen gora koalizioak —eta, ondorioz, auzo guztietan—. EAJk Gurutze eta Ergoienen igoera txiki bat izan zuen, baita Altzibar-Karrika barrutiko mahai batean ere.
Hirugarren, atzokoan, PSE-EE izan zen. Botoen igoera izan zuen, baina auzoei begiratuta, ezberdinak izan ziren joerak: Iturriotz, Arragua, Altzibar-Karrika eta Ergoienen botoak irabazi zituen.
2020an Elkarrekin Podemos izan zen hirugarren, eta zatiketak ezker konfederala zigortu zuen toki guztietan. Toki guztietan? Ez, Ergoienen gora egin zuen Podemosek, 9tik 10 botora pasatuta; Sumarrek bost jaso zituen. Gainontzekoan, pattal.
Eskuin espainiazaleari dagokionez, oro har igo da, baina zenbaki oso-oso txikietan mugitzen jarraitzen dute. PP Ergoienen jaitsi da 3tik 1era, eta Voxek emaitzak bikoiztu ditu Arraguan —8tik 17ra—. Gurutzen, ez hotz ez bero biek ala biek: zero boto.
Emaitzak
- Elizalde
- EH Bildu: 1.304.
- EAJ: 400.
- Podemos: 34.
- Sumar: 42.
- PSE-EE: 45.
- PP: 13.
- Vox: 7.
- Iturriotz
- EH Bildu: 445.
- EAJ: 136.
- Podemos: 8.
- Sumar: 6.
- PSE-EE: 30.
- PP: 2.
- Vox: 3.
- Arragua
- EH Bildu: 336.
- EAJ: 166.
- Podemos: 10.
- Sumar: 16.
- PSE-EE: 63.
- PP: 26.
- Vox: 17.
- Altzibar-Karrika
- EH Bildu: 627.
- EAJ: 160.
- Podemos: 18.
- Sumar: 13.
- PSE-EE: 46.
- PP: 20.
- Vox: 1.
- Ergoien
- EH Bildu: 301.
- EAJ: 84.
- Podemos: 10.
- Sumar: 5.
- PSE-EE: 6.
- PP: 1.
- Vox: 0.
- Gurutze
- EH Bildu: 136.
- EAJ: 37.
- Podemos: 2.
- Sumar: 0.
- PSE-EE: 1.
- PP: 1.
- Vox: 0.
- Ugaldetxo
- EH Bildu: 455.
- EAJ: 151.
- Podemos: 9.
- Sumar: 16.
- PSE-EE: 18.
- PP: 22.
- Vox: 2.
[Datu guztiak, mahaika. EH Bilduren sare sozialetatik hartua]
