Lore eta Landare Azoka Berezia izango da larunbatean, Zumardian
Azokaren XVI. edizioa Behemendi Landa Garapenerako Elkarteak, Errenteriako Udalak eta Dekolore Elkarteak antolatu dute.
Datorren larunbatean, maiatzaren 4an, Errenteriako XVI. Lore eta Landareen Azoka Berezia egingo dute Behemendi Landa Garapenerako Elkartearen, Errenteriako Udalaren eta Dekolore Elkartearen eskutik. Azoka 10:00etatik 14:30era izango da, eta goizean zehar —11:30etatik 13:00etara— haurrentzako landaketa eta lore lehorrekin eskulanak egiteko tailerrak ere eskainiko dituzte.
Haurrek, tailerretan, hainbat landare ezberdin loreontzietan landatuko dituzte, eta horien zainketari buruzko beharrezko azalpenak jasotzeaz gain, lore lehorrekin konpost ezberdinak nola egin ere ikasiko dute.
2022an hasi zen Behemendi Elkartea Baserriko Produktuen Azoka Bereziak antolatzen, eta, Errenterian, 2004an hasi zen azoka bereziak antolatzeko egitasmoarekin, udalaren laguntzarekin. Hain zuzen, antolatzaileek azaldu dutenez, azoka hauek egitearen arrazoi nagusia baserriko produktuen azokek bizi duten beherakada da, eta iniziatiba horien bidez baserriko produktuen salmenta zuzena sustatzea da asmoa.
Dekolore Elkartearen parte diren hamabi ekoizle izango dira larunbatean Zumardian, iaz baino bat gutxiago.
- Islaya Haztegia: Kaktusak.
- Zunoyar lorategia: Barruko landareak, landare apaingarriak eta bildumako landareak.
- Ortuberri: Baratzako landareak eta loredun landareak.
- Urtinea: Barrruko eta garaiko landareak.
- Aritzkurengo Tienduka: Kosmetikako artisau-produktuak eta medikuntza naturala.
- Lore prentsatua: Lore prentsatua, lore lehorrekin egindako koadroak.
- Hazi ekologikoak: Sendagarri eta sukaldaritzako erabilera duten landare eta haziak.
- Sojo naturala: Kosmetika naturaleko artisau produktuak.
- Sara Letamendia: Kosmetika naturaleko artisau produktuak.
- Flores Ganchillo: Artisau bitxisk lore motiboz eginak.
- Tissus Artisautza: Lore lehorra, banbu, eukalipto eta abarren oinarrietan kapsulatua.
