Ur mozketa izango da San Pedroko zenbait kaletan
Datorren asteartean izango da mozketa, bi ordu ingurukoa.
San Pedroko puntetako pasealekua Kalparraraino dago urbanizatuta eta orain Ondartxoraino luzatuko dute. Pasaiako Udalak jakinarazi duenez, datorren maiatzaren 7an (asteartea da) ur mozketa izango da San Pedroko zenbait kaletan, ur sarea hobetzeko lanak egingo baitituzte. Zehazki, Esnabide 2, 4, 6 eta 8, Morales Oliver, Pasaman Alarguna, Herriko plaza, Markina ingeniaria, San Pedro eta Torreatze kaleetan izango da mozketa. Bi ordu inguruz moztuko dute, 9:00etatik aurrera. Udalak aurreratu du, ahal izanez gero, iragarritakoa baino lehenago emango dutela ura.
