Felisa Lizarralde Urdanpilletak 100 urte bete ditu
Oiartzungo Gurutze auzoko Telleri Berri baserrian jaio zen duela mende bat eta 26 urterekin etorri Errenteria-Oreretara.
Mende bat du soinean Felisa Lizarralde Urdanpilleta Errenteria-Oreretako bizilagunak. Gaur du urtebetetzea eta gogotik ospatuko ditu 100 urteak. 1924ko maiatzaren 9an jaio zen Oiartzunen, Gurutze auzoko Telleri Berri baserrian. Zazpi anai arrebetatik gazteena da Lizarralde.
26 urterekin etorri zen Errenteria-Oreretara bizitzera eta bertan ezkondu. Dantzatzea asko gustatzen omen zaio —agian hori da 100 urtera heltzeko sekretua—, gaztetan Oiartzungo Altzibar auzoan ibiltzen zela dantzan kontatu du. Zorionak!