Oiartzungo bi bikote, nor baino nor pala txapelketako final laurdenetan
Arizmendi eta Arbelaitzek asteburuan lortu dute fasea pasatzea. Suspe eta Egialde bikotearentzat, ifrentzua.
Zutik, Aritzmendi, Arbelaitz, Toledo epailea, Etxeberria I eta Etxeberria II. Makurtuta, Azpirotz, Galartza,Suspe eta Egialde. Euskal Herriko Pala Txapelketa etapak atzean uzten ari da. Asteburuan beste hamar partida jokatu zituzten, eta bi asteburu besterik ez dira falta finalen aurretik (ekainaren 2an jokatuko dituzte).
Oiartzungo bi bikotek bilatu zuten kanporaketa pasatzera. Arizmendi eta Arbelaitzek lortu zuten, izerdia ederki botata, tanto bakarrarengatik nagusitu baitziren. Hirugarren Mailako final laurdenetara pasatu dira, eta bertan zain izango dituzte Markos eta Bereziartua herrikideak.
Txapelketatik kanpo geratu dira Suspe eta Egialde. Azpiroz eta Galartzak kanporatu zituzten oiartzuarrak.
Asteburuan ikusitako partidak emozio handikoak izan ziren, eta joko polita ikusteko aukera izan zen. Finalak are interesgarriagoak izan daitezkeela aurreikus liteke.
Lehen Maila
- Loidi — Dagerre / Arregi — Huegun: 12-25.
- Iriarte — Erburu / Zabala — Arrizabalaga: 25-15.
Bigarren Maila
- Andueza — Rodriguez / Salbador — Salbador: 23-25.
- Urrutia — Nuin / Anodis — Etxabe: 25-11.
- Berho — Merindano / Altzuarte — Baraibar: 11-25.
Hirugarren Maila
- Erdozia — Ibarburu / Landa — Olazabal: 10-25.
- Casillas — Elizegi / Tapiz — Mendigain: 25-16.
- Rekondo — Udakiola / Etxeberria — Iribar: 25-24.
- Etxeberria — Etxeberria / Arizmendi — Arbelaitz: 24-25.
- Azpiroz — Galartza / Egialde — Suspe: 25-18.
