"Datorren Ertzaintzari" buruz arituko da Ahoztar Zelaieta
'La Ertzaintza que viene' liburua aurkeztuko dute datorren asteartean, hilak 21. Arizmendienean izango da kazetariarekin solasaldia.
Ahoztar Zelaietak bere liburua aurkeztuko du. Hitzaldia antolatu dute datorren astearterako, hilak 21. Ahoztar Zelaieta kazetariak La Ertzaintza que viene liburua aurkeztuko du egun horretan, Arizmendieneko beheko solairuko aretoan.
Zelaietak Txalapartarekin argitaratu du liburua. Honakoa da liburuaren sinopsia:
Azken hamarkadan, Ertzaintzak teknologia aurreratuak erabili ditu zaintza handiagoa egiteko, ikuspegi prediktiboago batekin: adimen artifiziala, algoritmoak, komunikazioetan esku hartzea, identifikazio biometrikoa edo abangoardiako bideozaintza-sistemak. Teknika horiek eragin nabarmena dute giza eskubideetan eta askatasun zibiletan, hainbat erakundek egindako txostenetan ikus daitekeenez. Modernizazio hori zaintzaren industria pribatuko erraldoien eskutik egiten ari da, askotan aholkularitza-enpresa eraginkorren bidez, eta Euskal Herriko eta Espainiako kargu politikoen ate birakari ugarirekin. Lan honek Ertzaintzaren garapen teknologikoaren eta opakotasunaren berri eman nahi du.
